सवंगडी मोबाईल ॲप

       शेतमाल संकलन केंद्र आणि तालुका एकात्मिक पथदर्शी डिजिटल ऑक्शन (लिलाव) केंद्रासाठी दैनंदिन माहिती संकलन व संग्रहित करून सवंगडी मोबाईल ॲपची निर्मिती केली आहे.
ॲपच्या माध्यमातून दैनिक, साप्ताहिक, पाक्षिक, मासिक, त्रैमासिक, सहामाही वार्षिक अहवाल तयार करणे. उपरोक्त सर्व संकलित संग्रहित माहिती सहभागी सर्व शेतकरी बांधवांना आपल्या मोबाईलवर सवंगडी मोबाईल ॲपच्या माध्यमातून उपलब्ध होईल. तसेच केंद्र शासन व राज्य शासनाच्या कृषी पणन विभागांना आणि कृषी उत्पन्न बाजार समिती यांना ही माहिती सहज उपलब्ध होईल. ज्यामुळे शेतकरी बांधवांना भविष्यात पीक नियोजनासाठी याचा अधिक उपयोग होईल. अशाप्रकारे तालुक्यात एकूण 54 कंपन्या नोंद करण्याचे उद्दिष्ट पूर्ण झाल्यानंतर, शेतमालाचे संकलन, प्रतवारी, गोडाऊन, कोल्ड स्टोरेज, वेअर हाऊस, शेतमाल प्रक्रिया इत्यादी सुविधांसह सजनीय शेतमाल संकलन केंद्र उभारणी करण्याचे भविष्यात नियोजन आहे.मात्र यासाठी दिर्घ कालावधी लागणार आहे. याकरिता हंगामी व्यवस्था म्हणून सध्या नोंदणीकृत असलेल्या सात कंपन्यांच्या कार्यक्षेत्रातील सभासद शेतकऱ्यांनी त्यांचा शेतमाल वैयक्तिक नावावर विक्री करणे ऐवजी तलाठी सजा फार्मर प्रोड्युसर कंपनीचे नावाने शेतमाल सामूहिक विक्री वितरण करण्यासाठी कंपनी व्यासपीठ उपलब्ध करून देत आहे.